ನನಗಾಗಿ ನೀನು ಬದಲಾಗಬೇಕಿಲ್ಲ
ನಿನಗಾಗಿ ನಾನೇನೂ ತ್ಯಾಗ ಮಾಡೊಲ್ಲ
ನಿನ್ನೇಳಿಗೆಗೆ ನಾನು ನನ್ನೇಳಿಗೆಗೆ ನೀನು
ಹೆಗಲುಕೊಟ್ಟು ಬದುಕಿದರೆ ಸಾಕು...
ನನಗಾಗಿ ನಿನ್ನ ಮನೆಯ ನೀನು ತೊರೆಯಬೇಕಿಲ್ಲ 
ಸ್ವತಂತ್ರ ಸಮಾನತೆ ಅಂತೆಲ್ಲ ಕೊರಗಬೇಕಿಲ್ಲ
ನಿನ್ನೊಳಗೆ ನಾನು ನನ್ನೊಳಗೆ ನೀನು
ಅಳೆದು ಸುರಿದು ಕಳೆದು ಮತ್ತೆ ವಾಸ್ತವಕ್ಕೆ ಮರಳಿದರೆ ಸಾಕು...

ಶಿವು ಮೋರಿಗೇರಿ

ಹೋಟೆಲ್ಲಿನಲ್ಲಿರುವ ಟೇಬಲ್ಲು ನೀನು
ನಿನ್ನೆದಿರು ಇರುವ ಛೇರು ನಾನು
ಎಷ್ಟೋ ಗಿರಾಕಿಗಳನ್ನು ನೋಡಿದ್ದೇನೆ ನಾನು
ಅಷ್ಟೇ ವಾಕರಿಕೆ,ಡೇಗುಗಳ ಕಂಡಿರುವೆ ನೀನು
ನನ್ನ ಮೇಲೆ ಒಬ್ಬರಮೇಲೊಬ್ಬರು ಎರಗುತ್ತಾರೆ
ಅವರೆದ್ದು ಹೋದ ಮೇಲೆ ನಿನ್ನ ಮುಖ ತೊಳೆಯುತ್ತಾರೆ

ಶಿವು ಮೋರಿಗೇರಿ